قصيدة .*.

[ بسم الله الرحمن الرحيم



خلاص انا نـاوي علـى تغييـر تفكيـري السقيـم *^* عزمت اغيـر منهجـي مـادام عنـدي الاختيـار

بفصـل الثـوب الجديـد وبرمـي الثـوب القديـم *^*واغير اصحابـي اذا مـا طاوعونـي فالخيـار

قـرار جـدآ منطقـي وجـاي فالوقـت السلـيـم *^* عصر انفتـاح وفرصـه الواحـد يغيـر فالمسـار

اللي يفكـر فالغنـم والبـل تـرى عايـش جحيـم *^* ان قال اساميهـا تحـس انـه طلـع معهـا غبـار

حتى قصايد ( ياوجودي )(هـب ذعـذاع النسيـم ) *^* و(الجمس الأحمر) ماتوفي بالغرض و (الفكس آر)

ماعـاد تنفـع وقتنـا الحالـي وذا منطـق حكيـم *^* اللحين صارت شمس ( روبي ) واضحه مثل النهار

اقوى مغني فالعرب : ( شعبان ابـن عبدالرحيـم ) *^* و( البرتقالـه ) تعتبـر فيديـو كليـب الانبـهـار

صار اهتمامات البشر ( دي جي ) وتشغل ( حكيم ) *^* عمار يامصـر القديمـه مـع جديدتهـا .. عمـار

اتفه مغني عندنا .. هـو صاحـب الفكـر القويـم *^* تصريحه الناري مثـل .. يلقـى معـزه واعتبـار

شبابنـا شبابنـا راحـوا ورى لـيـل(ن) عتـيـم *^* باعوا اصالتهـم برخـص وغيـروا نهـج الكبـار

الوقـت ضايـع والبطالـه فعلهـا فيـنـا مقـيـم *^* اكبر مشاغلنا ( مسج ) ونرشح ( السوبر ستـار )

هـذي حضـاره مـا تجملنـا وذا واقــع ألـيـم *^*وين المبادي والقيم ؟ !! وين المعزه والوقـار ؟ !!

في هالزمن ما عاد تعرف من كريم ومـن لئيـم ؟ *^* في هالزمن كـل شـي توجـه باتجـاه الانحـدار

عادي اذا شفت المطر في هالزمن مـن دون غيـم *^*عـادي تقبلهـا تـرى النـار تبـدا مـن شــرار

الله يثبتنـا علـى نـهـج الـصـراط المستقـيـم *^* والله يحسـن خاتمتنـا فـي زمـن صايـر دمـار


تحياتي لكم : ابو شهاب

صح لسان كاتب القصيدة

وتسلم اناملك لنقل القصيدة لنا

والله روووووووووووعة

تسلم ابو شهاب

تقبل مروري

الله يسلمك لعلمك ياسير القلم في ناس يقولون انها اروعة قصيدة في العالم


واشكرك على تفاعلك مع تقبل مرورك اكيد

تحياتي لك باسير القلم