هذا الصديق الحقيقي"بس وين القاه"

قالوا صديق ٍ لك وانا قلت والله
.... ماهو صديق الاّ مثال الأخوّه

ماينلحق معروف مثله وشرواه
.... كل ماتوصف به يزيد بسموه

أنا معه بالخير والشر وياه
.... اصاحب اصحابه واعادي عدوه

حقه هو اني دايم الدوم ماانساه
.... واليا تناسيته فلابي مروه

ارفا الزلل من صاحبي وادمح اخطاه
.... واقف معه وادراه عن كل سوه

يلقان لااحتاجن والى احتجته القاه
.... أمّا عدا هذي فلاهيب خوه

صديق وقت الشده ووقت ماابغاه
.... انشهد انه يطنخ الراس قوه

من قبل اصوت له ومن قبل لااتناه
.... تحيي مجاديبي تباشير نوه

ياما وياما طق صدره بيمناه
.... وياما على وضح النقا شب ضوه